Доруобуйа харыстабылын аан дойдутааҕы тэрилтэтин (ВОЗ) ааҕыытынан, аан дойдуга ааспыт күҥҥэ коронавирус дьаҥыгар сыстыбыт дьон ахсаана 78,6 мөлүйүөҥҥэ тиийбит, олортон 1,74 мөлүйүөнтэн тахса киһи тыына быстыбыт.
edersaas.ru
Хамсык саҕаланыаҕыттан, суһал ыстаап көрдөрүүтүнэн, Арассыыйа үрдүнэн 3,05 мөл. киһи (28 284 ааспыт сууккаҕа) коронавируһунан ыалдьыбыт. Дойду үрдүнэн коронавирустан барыта 54 778 киһи өлбүт (ааспыт хонукка 552 киһи). 2,45 мөл. киһи үтүөрбүт.
Бигэргэтиллибит көрдөрүүлэринэн АХШ саамай эмсэҕэлээбит дойдунан буолар, онно 18,9 мөл. тахса киһи саҥа ыарыынан сутуллубут. Индия иккис миэстэҕэ (10,1 мөл.), үһүс — Бразилия (7,4 мөл.), төрдүс Арассыыйа, бэһис — Франция (2,6 мөл.). Оттон 1,5 мөл. киһиттэн тахса ыалдьыбыт дьонноох дойдуларынан Великобритания, Турция, Италия, Испания, Германия, Аргентина уонна Колумбия буолаллар.
«Саха сирэ» хаһыат, edersaas.ru