Новай Зеландия кыраныыссатын аһар былаанын эмиэ саҥа болдьоххо көһөрбүт. Бу дойдуга тас дойду гражданнара киириилэрэ ааспыт сыл кулун тутар 20 күнүттэн бобуллубута. Судаарыстыба дьаһалтата киириини бобор миэрэлэрин 2022 сыл тохсунньутуттан сымнатар былааннааҕа, ол эрэн “омикрон” тарҕаныытыттан сылтаан, “гражданнары эбии көмүскүүр ревакцинацияны ыытыы” кэмигэр кыраныыссаны аһартан туттунарга быһаарыныы ылбыт.
Чехия гражданинын коронавируһу соруйан тарҕатыы иһин суукка тардыбыттар. Полиция бу киһи коронавируһунан ыалдьыбытын билэ-билэ харантыыны кэспитин, мааската суох уопсастыбаннай миэстэлэргэ сылдьыбытын быһаарбыт. Буруйдаах үс сылга тиийэ хаайыыга олоруон сөп.
Аан дойду үрдүнэн биир суукка иһигэр 3,8 мөл. киһи коронавируһунан сутуллубута бэлиэтэммит. Хас даҕаны дойдуга эрдэ бэлиэтэммэтэх үрдүк ыарыы таһыма көстүбүт. Ол курдук биир күн иһигэр: Бразилияҕа — 204 854, Германияҕа — 133 536, в Израильга – 71 844, в Португалияҕа – 52 549, в Японияҕа – 41 485, в Хорватияҕа – 11 343, в Казахстаҥҥа – 15 872 саҥа ыалдьыбыт дьон бэлиэтэммиттэр.
«Саха сирэ» хаһыат, edersaas.ru
Хаартыска СӨ Суһал ыстаабын телеграм-ханаалыттан