Аан дойдутааҕы доруобуйа харыстабылын тэрилтэтин (ВОЗ) кэнники дааннайынан, аан дойду үрдүнэн коронавируска сутуллубут дьон ахсаана 239 мөл. тиийбит. Итинтэн 4,8 мөл. киһи бу ыарыыттан өрүттүбэтэх.
edersaas.ru
Бигэргэтиллибитинэн, ордук элбэх киһи АХШ ыалдьар – 44,4 мөл. киһи коронавирустаабыт. Иккис кэрдиискэ Индия турар (34 мөл.), үһүскэ Бразилия (21,5 мөл.), төрдүскэ 8,3 мөл. ыарыһахтаах Великобритания.
ВОЗ статистиката көрдөрөрүнэн, Арассыыйа манна бэсиһинэн турар. Ыалдьыбыт дьон ахсаана 8 мөл. чугаһаабыт. Алтынньы 17 күнүнээҕи иһитиннэриинэн, биир хонукка бу дьаҥҥа 34 303 киһи сутуллубута ыйыллыбыт. Бу олус элбэх көрдөрүү. Коронавирустан үтүөрбүт дьон ахсаана 7 мөл. тахса, ыарыыттан өрүттүбэтэхтэр ахсааннара – 223 тыһ. киһи.
«Саха сирэ» хаһыат, edersaas.ru
Хаартыска sakha.gov.ru