Коронавирус атырдьах ыйын 17 күнүгэр туруга. Аан дойду сыыппаралара

Доруобуйа харыстабылын аан дойдутааҕы тэрилтэтин (ВОЗ) чахчыларынан, атырдьах ыйын 17 күнүгэр аан дойдуга коронавируснай инфекциянан ыалдьыбыт дьон ахсаана 21,26 мөлүйүөн киһини аһарда. Ыарыыттан барыта 774 тыһыынчаттан тахса киһи өлбүт.

edersaas.ru

Джонс Хопкинс университетын сыыппараларынан, коронавирус дьаҥыттан саамай эмсэҕэлээбит дойдунан АХШ буолар, онно, бэҕэһээҥҥи көрдөрүүнэн, 5,4 мөл. тахса киһи ыарыыга хаптарбыт. Ыалдьыбыт дьон ахсаанынан Бразилия иккис миэстэҕэ (3,3 мөлүйүөн), Индия — үһүс (2,5 мөлүйүөн), Арассыыйа — төрдүс (922 тыһыынча), Соҕуруу Африка — бэһис миэстэҕэ (587 тыһыынча) тураллар.

Егор Карпов, «Саха сирэ» хаһыат, edersaas.ru