Ил Дархан: «Өймөкөөҥҥө өссө биир киһи коронавирус дьаҥыгар сутулунна»
Бүгүн, муус устар 26 күнүгэр, Ил Дархан Айсен Николаев өрөспүүбүлүкэҕэ коронавирус балаһыанньатын билиһиннэрэр брифинг ыытта.
Ил Дархан: «Өрөспүүбүлүкэбитигэр балаһыанньа уустук. Хомойуох иһин, икки нэдиэлэ устата эмтэммит ыарыһах тыына быһынна. Билигин биир ыарахан туруктаах киһини ИВЛ аппаракка холбообуттара, кини олоҕун туһугар быраастар туруулаһаллар.
Саастаах дьону харыстыахха, олох ыалдьымыахтарын наада.
Бүгүн Саха сирин үрүдүнэн сэттэ киһи саҥа ыалдьыбыта билиннэ. Ол иһигэр офтальмологическай балыыһа түөрт миэдигэ ыарыйда. Билиҥҥитэ хантаактаспыт дьонун быһаара сылдьаллар.
Мэдиссиинискэй тэрилтэлэр кылаабынай быраастарыгар туһаайбын — ыарыыга сутуллубат туһуттан бары быраабыланы тутуһан үлэлээҥ.
Хаҥаласка ыалдьыбыт киһи эмтэнэ сылдьар. Оттон Өймөкөөҥҥө өссө бир киһи коронавирус дьаҥыгар сутуллубута билиннэ. Онон, икки ыарыһаҕы изоляциялаабыттара, эмтии сылдьаллар.
Хааччахтаан олоруу эрэсиимин, бары миэрэлэри тутуһуҥ».
edersaas.ru