Сайын диэки коронавирус тарҕаныыта түһүөҕэ диэн сабаҕалыыллар

РФ Доруобуйа  харыстабылын миниистирэ Михаил Мурашко  «Россия 24»  ханаалга Арассыыйаҕа коронавирус  тарҕаныыыта сайын диэки түһэригэр эрэллээҕин  эттэ.

— Хаһан урукку үгэс  олохпутугар төннөбүт диэн боппуруос барыбытын долгутар. Буола турар быһыы-майгы  сайын диэки уларыйыа диэн эрэнэбин. Ол гынан баран, балаһыанньабыт эмтиир ньымалар үөскүүллэриттэн эмиэ тутулуктаах.

Муус устар 20 күнүнээҕи туругунан Арассыыйа үрдүнэн 47 121 киһи коронавирус дьаҥар хаптарда. 3446 киһи үтүөрдэ, 405 киһи олоҕо быһынна.

Ньургуйаана Иванова, “Саха сирэ”  хаһыат, edersaas.ru

Хаартыска — интэриниэттэн.