Билиҥҥитэ Саха сирин үрдүнэн 107 киһи коронавирус дьаҥыгар сутулунна

Саха сиринээҕи Роспотребнадзор управлениетын дааннайынан, билиҥҥитэ өрөспүүбүлүкэ үрдүнэн коронавирустаабыт киһи ахсаана 107-ҕэ тиийбит. Дьокуускайга уонна алта улууска, ол иһигэр 23 киһи Чайыҥдаҕа ыалдьыбыттара билиннэ.

Ол курдук,

Дьокуускайга — 30 киһи;

Алдаҥҥа — 41 киһи;

Ленскэйгэ — 6 киһи;

Горнайга — 2 киһи;

Бүлүүгэ — 2 киһи;

Мииринэйгэ — 1 киһи;

Сунтаарга — 2 киһи.

107 дьаҥнаабыт дьонтон 16-та үтүөрэн, балыыһаттан тахсыбыттара. Өрөспүүбүлүкэ стационардарыгар 68 ыарыһах сытар, өссө 23 ыарыһах «Газпром добыча Ноябрьск» баахтабай бөһүөлэккэ уонна Ноябрьскайга бааллар.

Бүтэһик сууккаҕа 19 киһи эбии ыалдьыбыт, ол иһигэр «Газпром добыча Ноябрьск» бөһүөлэккэ баахтанан үлэлиир 12 киһи, Дьокуускайга үс киһи, Сунтаарга икки киһи уонна биирдии киһи Алдаҥҥа, Ленскэйгэ ыалдьыбыттара билиннэ.

Өрөспүүбүлүкэ үрдүнэн сэттэ коронавирус дьаҥын быһаарар лаборатория үлэлиир, манна дьаҥ саҕаланыаҕыттан 15 879 анаалыһы туттулар.

edersaas.ru