Коронавирус тарҕаныытын тохтоторго ылыныллыбыт сорох хааччахтар уһулуннулар
Ил Дархан Айсен Николаев коронавирус тарҕаныытын тохтоторго ылыныллыбыт сорох хааччахтары уһулла.
Ыраах сытар нэһилиэнньэлээх пууннаах уонна коронавирус дьаҥа бэлиэтэммэтэх улуустарыгар кэккэ чэпчэтиилэр киирдилэр.
Ол курдук, сылы төгүрүччү суола суох өрөспүүбүлүкэ 169 нэһилиэнньэлээх пууннарыгар, муус устар 15 күнүттэн 30 күнүгэр диэри култуура дьиэтиттэн, сынньатар-аралдьытар кииннэртэн, киинэ көрдөрөр, успуорт тэрилтэлэриттэн, элбэх киһи бырааһынньыгын тэрийэр салаалартан ураты атын судаарыстыбаннай уонна урбаан тэрилтэлэрэ үлэлииллэрэ көҥүллэннэ.
Ыарыыны тарҕаппат туһуттан эрдэ ылыныллыбыт сорох хааччахтар Булуҥ улуууһун Тиксиитигэр, Дьокуускайга, Алдаҥҥа, Жатаайга, Аллараа Бэстээххэ уонна Ленскэй, Мииринэй, Нерюнгри оройуоннарыгар хааллылар.
Бу ылыныллыбыт докумуон РФ бэрэсидьиэнэ Владимир Путин дойду үрдүнэн коронавирус тарҕаныытынан муус устар 2 күнүгэр таһаарбыт 239 №-дээх нэһилиэнньэҕэ бөҕө туруктаах санитарнай-эпидемиологическэй эйгэни олохтуурга аналлаах ыйааҕын толоруу буолар.
Ньургуйаана Иванова, “Саха сирэ” хаһыат, edersaas.ru
Хаартыска — интэриниэттэн.