Саха сиринээҕи лаборатория кулун тутар 27 күнүгэр өссө биир киһи барыллаан коронавируска сутуллубут диэн быһаарбыта. Бу анаалыс түмүгүн бэҕэһээ Новосибирскайдааҕы «Вектор» лаборатория бигэргэттэ. Онон, Саха сиригэр 15-с киһи коронавирус дьаҥынан ыарыйда.
Ыалдьыбыт киһи Великобританияҕа үөрэнэр устудьуон эбит, Москва нөҥүө дойдутугар кэлбит. Кинини аэропуортан тута балыыһаҕа илдьибиттэр. Устудьуон хантаактаспыт дьонун быһаарбыттар, барыларыттан анаалыс ылбыттар. Анаалыстарын түмүктэрэ «отрицательнай» диэн дьаҥ суоҕун көрдөрбүт. Бу дьон бары бэйэлэрин хааччахтаан дьиэҕэ олороллор диэн суһал штаб иһитиннэрэр.
edersaas.ru
+1
+1
+1
+1
+1
+1
+1