Коронавируһу эмтииргэ саҥа ньыманы тутуннулар
· - Олох-дьаһах

Коронавируһу эмтииргэ саҥа ньыманы тутуннулар

Өрөспүүбүлүкэтээҕи 2-с №-дээх балыыһа-ЦЭМП  инфекционнай отделениетыгар быара циррозтаах уонна коронавируһунан ыараханнык ыалдьыбыт киһиэхэ аан бастаан антиковиднай плазманы куттулар. Ол туһунан балыыһа пресс-сулууспата иһитиннэрэр.

Пациент үтүөрдэ диэн этэр эрдэ, ол эрээри туруга тупсан эрэн эрэр диэххэ сөп. Арассыыйаҕа уонна омук дойдуларыгар кэлиэгэлэрбит уопуттарын көрдөххө, коронавируһунан ыалдьыбыт дьоҥҥо антиковиднай плазманы кутуу өлүү ахсаанын аҕыйатар, үтүөрэри түргэтэтэр. Маннык плазманы коронавируһунан ыалдьан баран, үтүөрбүт дьон хааныттан ылаллар. Хааны кутар станция трансфузиолог-быраастарыгар махталбын биллэрэбин, — диэн кылаабыйна бырааһы мэдиссиинэ чааһыгар солбуйааччы э.т. Александра Золотарева кэпсээтэ.

Ону тэҥэ, кини коронавируһунан ыалдьан баран, үтүөрбүт дьон хаан плазматын туттаралларыгар ыҥырда. Маннык үтүө быһыы үгүс дьон олоҕун быыһыан сөп.

Ангелина Васильева, “Саха сирэ” хаһыат, edersaas.ru

Хаартыска: РБ-2 пресс-сулууспата.

0
0

Сайт матырыйаалларын ааптар көҥүлэ суох ылар бобуллар.

Ваш адрес email не будет опубликован.

семнадцать + девять =