Бүтэһик сууккаҕа 77 киһи ыарыйда
Олох-дьаһах

Бүтэһик сууккаҕа 77 киһи ыарыйда

Бэс ыйын 16 күнүгэр өрөспүүбүлүкэ Ил Дархана Айсен Николаев быһа эпииргэ уопсай балаһыанньаны билиһиннэрдэ.

Кини иһитиннэрбитинэн, бүтэһик сууккаҕа 77 киһи коронавирус дьаҥар сутуллубут.  Онтон 62 киһи Дьокуускайга, 7  киһи Хаҥаласка, 5 киһи Намҥа, 3 киһи Бүлүү куоратыгар ыалдьыбыт. Билиҥҥи туругунан, стационарга 853 киһи эмтэнэр. Олортон 660 киһи Дьокуускай балыыһатыгар баар. 21 киһи ыарахан туруктаах, 5 киһи ИВЛ-аппараатыгар холбонон сытар.

Бүтэһик сууккаҕа 122 киһи үтүөрбүт. Ил Дархан бэлиэтииринэн, бу үчүгэй көрдөрүү буолар.

Аҕа баһылык улуус баһылыктарын кытта быһа эпииргэ кэпсэппит. Ол курдук, улуустарга куораттан кэлээччилэр дьаҥҥа сыһыарбыт түгэннэрин эттэ. Онон Дьокуускай куораттан кэлээччилэр хайаан даҕаны хааччахтаныы эрэсиимин тутуһалларыгар эттэ. Нэдиэлэ бүтүүтэ, өскөтүн, бары ирдэбиллэри тутустахпытына, өрөспүүбүлүкэҕэ балаһыанньа тупсуон сөбүн туһунан Айсен Сергеевич бэлиэтээтэ.

Ульяна Захарова, edersaas.ru

0
0

Сайт матырыйаалларын ааптар көҥүлэ суох ылар бобуллар.

Ваш адрес email не будет опубликован.

десять + пять =