Бэс ыйын 8 күнүгэр өрөспүүбүлүкэҕэ өссө 80 киһи коронавируһунан ыарыйда. Ол иһигэр Дьокуускайга – 69, Алдан оройуонугар – 5, Мэҥэ Хаҥаласка – 4, Нам уонна Горнай улуустарыгар биирдии киһи. Бу туһунан Ил Дархан Айсен Николаев брифинигэр иһитиннэрдэ.
Бүгүҥҥү күн туругунан, өрөспүүбүлүкэ үрдүнэн 2611 киһи коронавируһунан ыалдьыбыт, олортон 1285 киһи үтүөрбүт, 15 киһи тыына быстыбыт.
Билигин 22 киһи ыарахан туруктаах, 2 киһи ИВЛ-аппараатыгар сытар. Сүрүннээн аҕам саастаах, олохсуйбут ыарыылаах дьон ыарахан туруктаахтар.
— Эпидемиологическай балаһыанньа өссө да ыарахан, онон мааскалаах, бэрчээккилээх сылдьыы эрэсиимэ уһуллуо син биир ыраах. Онон өссө төгүл ити миэрэлэри тутуһан сылдьаргытыгар, бэйэҕитин харыстанаргытыгар ыҥырабын, — диэн Айсен Сергеевич бэлиэтээн эттэ.
Ангелина Васильева, “Саха сирэ” хаһыат, edersaas.ru
Хаартыска: интэриниэттэн.
+1
+1
+1
+1
+1
+1
+1