Коронавируһунан ыалдьыбыт киһи чөлүгэр түһэригэр сөптөөх сүбэлэри быһа эпиир кэмигэр 1-кы №-дээх Дьокуускайдааҕы поликлиника сүрүн бырааһа Алевтина Эверстова биэрдэ.
Кини этэринэн, бу дьаҥ кэнниттэн чөлгө түһүү кырата 3-4 ый устата барыан сөп. Мэйии эргийиитэ, сэниэ суох буолуута көстүөн сөп. Тоҕо диэтэххэ, коронавирус дьаҥын вируһа тыҥаны сиирин таһынан, хаан эргиирэ уларыйыытыгар эмиэ оруоллаах. Ол иһин эмтэнэн тахсыбыт дьоҥҥо хааны убатар эмтэри аныылларын эттэ.
Маны сэргэ, киһи бары хроническай ыарыылара көбүөхтэрин сөбүн ыйда. Ол иһин чөлгө түһүүгэ билигин «Абалаах» санаторий баазата баарын бэлиэтээтэ. Тыынар уорганнар гимнастикалара саамай сүрүн дьарык буоларын ыйда. 3-4 ый устата күҥҥэ үстэ маннык гимнастиканы оҥоруу олус туһалаах диэн быраас сүбэлиир.
Итиэннэ салгыҥҥа сылдьыы, Д битэмиини (5000 мжд) ол эбэтэр 1 хааппыланы иһэр наадатын эттэ.
Ульяна Захарова, edersaas.ru
+1
+1
+1
+1
+1
+1
+1