Коронавирус дьаҥар иккистээн сутуллуохха сөп дуо? Бу туһунан Гамалея аатынан эпидемиология уонна микробиология киинин вирусолог бырааһа Анатолий Альтштейн РИА саайтка санаатын үллэстэр.
Кини этэринэн, коронавирустан харыстанар көмүскэл киһи бэйэтин иммунитета буолар. Бастаан коронавирус дьаҥар сыстыбыт киһи организма дьаҥ утары охсуһар. «Коронавирус дьаҥын иккистээн хабыахха сөп. Ол эрээри бу көстүү аҕыйахта бэлиэтэнэр. Ыалдьан баран үтүөрдэххэ да, бары харыстанар ирдэбиллэри тутуһар наада. Тоҕо диэтэххэ, иккистээн ыалдьыы ыараханнык ааһар», — диэн учуонай быһаарда.
Альтштейн бэлиэтииринэн, бастакы ыалдьыы кэмэ ыараханнык ааспыт буоллаҕына, иккистээн ыалдьыы хатыланыан сөп. Бу боппуруос ситэри үөрэтиллэ илик эбит.
Ульяна Захарова, «Саха сирэ» хаһыат, edersaas.ru
+1
+1
+1
+1
+1
+1
+1