Коронавирус утары быһыыны босхо ылыахха сөп диэн «Вектор» вирусологияҕа уонна биотехнологияҕа судаарыстыбаннай научнай киинин дирикэтэрэ Ринат Максютов «Российская газета» саайтка иһитиннэрбит.
«РФ гражданнарыгар вакцина босхо буолуоҕа», — диэн кини «Стопкоронавирус» саайтка биэрбит интервьютугар эппит. Быһыыны маассабайдык 2021 сылтан биэриэхтэрэ. Максютов эппитинэн, вирус уларыйыыта «Вектор» айбыт вакцинатыгар сабыдыаллаабат эбит.
«ЭпиВакКорона» вакцина биир үтүө өрүтүнэн генетическэй уонна антигеннай туһунан уустаах вирустар (штаммнар) утары көдьүүстээҕэ буолар. Вакцина SARS-CoV-2 диэн эпитоптардаах», — диэн учуонай быһаарбыт.
Гамалея киин вакцинатыттан «Вектор» оҥорон таһаарыытын уратыта диэн, манна пептид диэн вируснай белоктар бааллара буолар. Бу белоктар иммунитет олоҕурарыгар наадалаахтар.
edersaas.ru
Хаартыска — russian.rt.com
+1
+1
+1
+1
+1
+1
+1