Коронавируһу утары үлэҕэ эбии үп көрүлүннэ

Ааптар: 
Бөлөххө киир:

Вице-премьер Ольга Балабкина бүгүҥҥү брифиҥҥэ  Ил Дархан Айсен Николаев урут биллэриллибит  хааччахтыыр миэрэлэр алтынньы 30 күнүнэн түмктэнэллэринэн сибээстээн, бүгүн киэһэ саҥа ыйаахха илии баттыырын туһунан иһитиннэрдэ.

edersaas.ru

Ольга Валерьевна коронавируһу утары үлэҕэ Саха сиригэр дойду бүддьүөтүттэн эбии 254 мөлүйүөн солкуобай  көрүллүбүтүн иһитиннэрдэ. Онтон 217,5 мөлүйүөн солкуобай коронавирус инфекциятын бохсор үлэҕэ туттуллуоҕа, 36,5 мөлүйүөн солкуобай тастан эмтэнэр ыарыһахтар эмтэригэр барыаҕа.

Ольга Балабкина өрөбүл күннэр үүммүттэринэн сибээстээн, дьон бөлөҕүнэн мустубаттарыгар сүбэлээтэ. Сүрүннээн төрөөбүт күннэри, үбүлүөйдэри ыытар кэмҥэ мустуу кэнниттэн ыарыы тахсара биллэр суол. Вице-премьер бу маннык тэрээһин дьон ыалдьыыта эмискэ элбээн, эмчиттэргэ улахан ноҕорууска үөскүүрүн санатта.

Елена ПОТОЦКАЯ, «Саха сирэ» хаһыат, edersaas.ru

+1
0
+1
0
+1
0
+1
0
+1
0
+1
0
+1
0