Саха сиригэр коронавирус дьаҥнаах 67 саастаах дьахтар тыына быһынна

Саха сиригэр коронавирус дьаҥнаах 67 саастаах дьахтар тыына быһынна диэн суһал штаб иһитиннэрэр.

Дьокуускай куорат клиническэй инфекционнай балыыһатыгар коронавирус дьаҥнаах 67 саастаах дьахтар тыына быһынна. Кини балыыһаҕа ыам ыйын 8 күнүгэр ыарахан туруктаах икки өттүнэн пневмониялаах киирбит.

Ыарыһахха ыам ыйын 12 күнүгэр коронавирус дьаҥнаах диэн диагнаһы туруорбуттар.

Дьахтар хроническай ыарыылаардаах, ол иһигэр саахар диабеттаах, эрдэ инсуллаабыт эбит. Бүтэһик күннэргэ ИВЛ-аппараакка холбонон сыппыт. Быраастар кини олоҕун быыһаарыы бары көмөнү оҥордулар да, хомойуох иһин, ыарыһах тыына быстыбыт.

Суһал штаб чугас дьонугар кутурҕанын биллэрэр.

edersaas.ru

Хаартыска — Интэриниэттэн.