Бүгүн, от ыйын 10 күнүгэр, өрөспүүбүлүкэ бырабыыталыстыбатын бэрэссэдээтэлин солбуйааччы Ольга Балабкина быһа эпииргэ уопсай балаһыанньаны билиһиннэрдэ.
«Балаһыанньа билигин да уустук, өрөспүүбүлүкэҕэ бүтэһик сууккаҕа 54 киһи коронавирус дьаҥар сутулунна. Онтон Дьокуускайга 45 киһи, Ленскэйгэ 4 киһи, Хаҥаласка 3 киһи коронавирус дьаҥар сутулунна. Улуустарга ыалдьыбыт дьон үксэ тастан кэлии дьонтон сыстыбыттар. Алдаҥҥа уонна Дьааҥыга эмиэ тастан кэлии дьонтон сыстыы баара бэлиэтэннэ. Дьааҥыга анал көмө биригээдэ үлэтин саҕалаата.
Ол курдук, анал исписэлиистэр этэллэринэн, мэдиссиинискэй, обсерватор, ону сэргэ хааччахтааһыҥҥа көмөлөр оҥоһуллан эрэллэр. Хонтуруол үлэтин улуустарга күүһүртүлэр, кэлии-барыы хонтуруолга ылынылынна.
Алдан оройуонугар тастан кэлбит киһи дьаҥҥа сыһыаран, билигин силиэстийэ бара турар. Социальнай тэрилтэҕэ дьаҥҥа сутуллуу баарынан сабылынна. Онон улуустар күүстээх хонтуруолу ылалларыгар тоһоҕолоон этэбин,» — диэн Ольга Балабкина иһитиннэрдэ.
Ульяна Захарова, edersaas.ru