Коронавирус күпүүрэҕэ уонна смартфоннарга төһө өр олороруй?

Ааптар: 
Бөлөххө киир:

Бу туһунан “Российская газета” хаһыакка Константин Волков суруйбут. Ааптар суруйарынан, Австралия учуонайдарын кэтээн көрүүлэрэ вирусология сурунаалыгар тахсыбыт.

Биллибитинэн, Цельсийынан 20 кыраадыска коронавирус тааска, дьэбиннирбэт ыстаалга, винилгэ, полимернай банкноттарга 28 хонук “олорор”. Хлопок таҥаска –5,5 күн, кумааҕы банкноттарга – 9 күн.  Оттон 30 кыраадыска чинчийибиттэригэр хлопокка 3 күн, кумааҕы харчыга 5 күн бу дьаҥ вируһа “өлбөтөх”.

Учуонайдар вирус өстүөкүлэҕэ уонна винилгэ уһуннук олорорун быһыытынан смартфоннартан сэрэнэргэ сүбэлээбиттэр. Ону таһынан дьон банкоматтары туһаналларыгар, аэропуортарга регистрацияланар экраннартан, интерактивнай таблолартан сэрэнэллэригэр сүбэлээбиттэр.

Женни Стрюкова, «Саха сирэ» хаһыат, edersaas.ru

Хаартыска: “Российская газета” хаһыаттан

+1
0
+1
0
+1
0
+1
0
+1
0
+1
0
+1
0