Саха сиригэр ааспыт сууккаҕа 45 киһи коронавируска сутуллубут, 71 киһи үтүөрбүт уонна биир киһи тыына быстыбыт диэн суһал штаб иһитиннэрэр.
Ол курдук, Дьокуускайга 37 киһи, биирдии киһи Абыйга, Ленскэйгэ, Нерюнгрига, Хаҥаласка, Өлөөҥҥө уонна Таатта улуустарыгар, икки киһи Мэҥэ Хаҥалас улууһугар ыалдьыбыта биллибит. Ыарыһахтары госпитализациялаабыттар, хантаактаах дьону быһаарбыттар, хааччахтааһыҥҥа олордубуттар.
Саха сиригэр дьаҥ туруоҕуттан 4467 киһи коронавирустаабыт, онтон 3519 киһитэ Дьокуускайга ыалдьыбыт.
Ааспыт суукка иһигэр 71 киһи коронавирустан үтүөрбүт уонна, хомойуох иһин, биир киһи тыына быстыбыт.
Өрөспүүбүлүкэ лабораторияларыгар 2849 тесты ааспыт күн иһигэр быһаарбыттар.
edersaas.ru
+1
+1
+1
+1
+1
+1
+1