Усуйаана улууһугар коронавируһунан ыалдьыы бастакы түбэлтэтэ бэлиэтэннэ. Дьокуускайга 12 киһи эбии ыарыйда, онтон үс киһи харах балыыһатыттан сутуллубут. Икки киһи Хаҥалас улууһугар ыалдьыбыт, Мииринэйгэ уонна Ленскэйгэ биирдии киһи ыарыйда. Бу туһунан өрөспүүбүлүкэ суһал штаба иһитиннэрэр.
Ыалдьыбыт дьон бары инфекционнай стационардарга киирдилэр. Билиҥҥитэ хантаактаспыт дьону быһаараллар, анаалыс ыла сылдьаллар.
Оттон Ленскэйгэ бүгүн сарсыарда биир киһи үтүөрдэ, онон балыыһаттан таҕыста. Бэҕэһээ Дьокуускай балыыһатыттан икки киһи таҕыста.
Инньэ гынан, дьаҥ туруоҕуттан Саха сиригэр 46 киһи үтүөрбүтэ бэлиэтэнэр.
Дьокуускай балыыһаларыгар биэс киһи ыарахан туруктаах сытар диэн иһитиннэрэллэр.
Саха сиригэр дьаҥ туруоҕуттан ыам ыйын 6 күнүнээҕи балаһыанньата:
— 348 киһи ыарыйда;
— 46 киһи үөтүөрдэ;
— 4 киһи тыына быһынна.
+1
+1
+1
+1
+1
+1
+1