Өлүөхүмэҕэ биир киһи коронавирустаата

Бөлөххө киир:

Өлүөхүмэ оройуонугар коронавирус дьаҥыгар биир киһи сутулунна. Кинилиин хантаактаспыт 44 киһиттэн анаалыс ыллылар. Бу туһунан өрөспүүбүлүкэ суһал штаба иһитиннэрэр.

edersaas.ru

Муус устар 21 күнүгэр Өлүөхүмэ олохтооҕо Дьокуускайтан хараҕы эмтиир балыыһаттан тахсыбыт уонна дойдутугар көтөн тиийбит.

Хараҕы эмтиир балыыһаҕа дьон ыалдьыбытын билэн, бу киһини оройуон киин балыыһатыгар киллэрбиттэр. Төһө да анаалыһыгар дьаҥ суоҕун үрдүнэн, мэдиссинискэй кэтэбилгэ ылбыттар. Онтон доруобуйата мөлтөөрү гыммытыгар ыарыһаҕы тута Дьокуускайга санрейсинэн ыыппыттар.

Бу киһини кытта хантаактаспыт дьону — дьиэ кэргэнин, кэлиэгэлэрин, биир рейсинэн көппүт дьонун быһаарбыттара. 44 киһи анаалыс туттарбыттара, пробаларын Дьокуускайга бэрэбиэркэҕэ ыыппыттар. Бу дьон доруобуйаларын туруга этэҥҥэ, кимиэхэ да ОРВИ сибикитэ суох.

«Ыарыһах үлэлиир тэрилтэтин салалтата түргэнник дьаһанан, үлэһиттэри барыларын дьиэҕэ хааччахтаныыга ыыппыта. Хантаактаспыт дьону миэдиктэр уонна полиция кэтиир. Биир рейсинэн көтөн кэлбит дьон инкубационнай кэмнэрэ ааста. Ол да буоллар анаалыс түмүктэрин күүтэбит«, — диэн оройуон баһылыга Николай Харбин иһитиннэрэр.

Өлүөхүмэҕэ 100 куойкалаах обсерватор тэриллибитэ. Оттон оройуон киин балыыһатыгар коронавирус дьаҥар сутуллубут дьоҥҥо диэн 12 куойка-миэстэни бэлэмнээбиттэрэ. Билигин Өлүөхүмэ үрдүнэн алта ИВЛ-аппараат баар, «суһал лиинийэ» үлэлиир.

Харбин этэринэн, билигин оройуоҥҥа баар бырамыысыланнас тэрилтэлэрин кытта ыкса үлэ баран эрэр. Бу тэрилтэлэргэ РФ атын субъектарыттан дьон кэлиитин аччатар сыалтан наймылаһааччылары өссө үс ыйга дуогабардарын уһаттылар. Баахтабай бөһүөлэктэргэ обсерватордар тэриллибиттэр.

edersaas.ru

+1
0
+1
0
+1
0
+1
0
+1
0
+1
0
+1
0