Саха сиригэр өссө биир киһи коронавирус дьаҥыттан тыына быһынна

Саха сиригэр бөлүүн өссө биир киһи коронавирус дьаҥыттан тыына быһынна. Бу туһунан суһал штаб иһитиннэрэр.

Дьокуускайга Хараҕы эмтиир балыыһаттан эмтэнэн тахсыбыт 65 саастаах эр киһи тыына быһынна.

Киниттэн, хантаактаах буоларын быһыытынан, анаалыс ылбыттар. Анаалыс ылбыт миэдсиэстэрэ эр киһи аҕылыырын бэлиэтээбит уонна учаастактааҕы бырааһы ыҥырбыт. Быраас «суһал көмөнөн» эр киһини балыыһаҕа иппит.

Хомойуох иһин, коронавирус дьаҥыттан эр киһи ыарыыта олус түргэнник сайдан, тыына быстыбыт.

Эр киһи иккис группалаах инбэлиит, хроническай ыарыылардаах, эрдэ инсуллаабыт, инфарктаабыт эбит.

Суһал штаб кутурҕанын биллэрэр.

edersaas.ru