Бүгүн, ыам ыйын 1 күнүгэр, күнүс 14:00 чааска Саха сирин Ил Дархана Айсен Николаев эрэгийиэҥҥэ коронавирус балаһыанньатын туһунан брифинг ыытта.
«Бүгүҥҥү күҥҥэ өрөспүүбүлүкэбитигэр 17 киһи эбии ыарыйда. Нерюнгрига 2 киһи, Бүлүүгэ 1 киһи, Намҥа 1 киһи дьаҥҥа стуллубута билиннэ. Оттон Дьокуускайга 12 киһи ыалдьыбыт.
Бу күннэргэ куоракка күн аайы сүүрбэлии киһи ыалдьара сабаҕаланар. Хараҕы эмтиир балыыһаҕа ыарыы улаханнык тарҕаммыт. Анаалыстар көрдөрбүттэринэн, балыыһа миэдиктэриттэн уонна ыарыһахтарыттан олус элбэх киһи ыалдьыбыт.
Билигин силиэстийэлээһин бара турар, үлэ эрэсиимигэр быраабылалары кэһии тахсыбытын быһаарыахтара.
Чайыҥдаҕа балаһыанньа этэҥҥэ, бырачыастааһын суох. «Газпромҥа» бэдэрээттиир тэрилтэлэр салайааччылара кэлбиттэрэ. Билиҥҥитэ доруобай үлэһиттэри бэйэлэрин оройуоннарыгар таһаарыы саҕаланыахтаах, онно тута обсерваторга киириэхтэрэ. Чайыҥдаҕа госпиталь тэриллибитэ. Салайааччылары кытта сибээскэ баарбыт», — диэн Ил Дархан бүгүҥҥү балаһыанньаны билиһиннэрдэ.
edersaas.ru