Мэҥэ Хаҥаласка уонна Кэбээйигэ коронавирустаабыт биирдии ыарыһах баара билиннэ

Мэҥэ Хаҥаласка уонна Кэбээйигэ коронавирустаабыт биирдии ыарыһах баара билиннэ. Бу туһунан Ил Дархан Айсен Николаев бүгүҥҥү брифинг кэмигэр иһитиннэрдэ.

“Алдаҥҥа обсерватор икки үлэһитэ коронавирус дьаҥыгар сутуллубута билиннэ. Обсерватор үлэһитин маннык  сутууллута хаста да таҕыста. Онон харыстанар үлэни  күүһүрдүөххэ наада.

Мэҥэ Хаҥалас уонна Кэбээйи улууһугар биирдии ыарыһах баара билиннэ. Мэҥэ Хаҥаласка аармыйаттан кэлбит уол ийэтин сыһыарда.

Оттон Кэбээйи Сангаарыгар атын эрэгийиэнтэн бохоруонаҕа кэлбит киһиэхэ коронавирус дьаҥа туруорулунна. Билигин кинилэри кытта алтыспыт дьон быһаарылла уонна анаалыс туттара сылдьар. Көстөрүн курдук, хааччахтаныы эрэсиимин хайа да түбэлтэҕэ тутуһуу ирдэнэр», — диир Ил Дархан.

Ньургуйаана Иванова, “Саха сирэ”  хаһыат, edersaas.ru