ТАСС ааҕыныстыба иһитиннэрэринэн, коронавирус ыарыыта аан дойду үрдүнэн 100 дойдуга тарҕаммыт.
edersaas.ru
Кулун тутар 9 күнүнээҕи туругунан, Арассыыйаҕа өссө үс киһи бу уодаһыннаах ыарыыга ыалдьыбыта биллибит. Бу дьон соторутааҕыта Италияҕа сылдьыбыттар. Билиҥҥи туругунан Арассыыйаҕа уопсайа 20 киһи коронавируһунан ыалдьан учуокка ылылынна.
Онтон аан дойду үрдүнэн сыстыганнаах ыарыыга 109 тыһыынча киһи сутуллан, 3,8 тыһыынча киһи суорума суолламмыт. 62 тыһыынча киһи үтүөрбүт.
Бу ыарыыттан киһи өлүүтүнэн бастакы миэстэҕэ Италия сылдьар. Манна ыалдьыбыт дьонтон хас 20-с ыарыһах өлбүт. Ираҥҥа, Кытайга уонна Соҕуруу Кэриэйэҕэ балаһыанньа кытаанах.
edersaas.ru
Хаартыска iz.ru/984956/2020-03-09/koronavirus-pronik-v-sto-stran-mira
+1
+1
+1
+1
+1
+1
+1