Доруобуйа Сүрүн

Коронавируһунан сибээстээн биллэриллибит  өрөбүллэр уһуохтарын сөп

Арассыыйаҕа коронавирус дьаҥыттан сибээстээн хамнаһы хаалларан туран биллэриллибит уһун өрөбүллэр уһуохтарын сөп. Бу ыарыыны утары охсуһууга дьону кытта алтыһыыны тохтоторго кырата икки нэдиэлэ ирдэнэр. Ити курдук санааны ДНКОМ молекулярнай-генетическэй чинчийиилэри ыытар билим киинин төрүттээччи уонна генеральнай дириэктэр Андрей Исаев ТАССка иһитиннэрбит.

edersaas.ru

Бырабыыталыстыба алтынньы 30 күнүттэн сэтинньи 7 күнүгэр диэри уһун өрөбүллэри (каникул) биллэрдэ. Ол эрээри, бу уһуон сөп. Тоҕо диэтэххэ, ыарыы биллэ аччыырын туһугар кырата икки нэдиэлэ ирдэнэр. Уларыйыы биллэрин туһугар итиччэ кэм наада”, — диэн эппит.

Ону тэҥэ, эспиэр билигин бырабыыталыстыба коронавирустан быһыыны ылааччы ахсаанын үрдэтэр туһугар бары миэрэни барытын ыларын ыйбыт. “Европа дойдуларыгар нэһилиэнньэ 80 % быһыыны ылбыт, билигин улаатан эрэр (подростки) оҕолорго туруораллар. Биһиги ити көрдөрүүгэ тиийэ иликпитинэ, ыалдьааччы ахсаана бу нэдиэлэҕэ курдук оннунан хаалыаҕа: аан дойдуга ковидтан өлбүт хас ахсыс киһи Арассыыйа олохтооҕо, дойдуга сир үрдүгэр баар нэһилиэнньэ чааһын 1/57 олорор”, — диэн түмүктээбит.

Дойду бэрэсидьиэнэ Владимир Путин алтынньы 30 күнүттэн сэтинньи 7 күнүгэр диэри эпидемиологическай балаһыанньа соччото суоҕунан сибээстээн, хамнаһы хаалларан туран уһун өрөбүллэри биллэрэр туһунан ыйаахха илии баттаабыта. Маныаха хааччахтыыр миэрэлэр араастаан биллэриллиэхтэрин сөп. Москва уонна Подмосковье салалтата уһун өрөбүллэри алтынньы 28 күнүттэн сэтинньи 7 күнүгэр диэри диэн ыйбыта.

Хаартыска: Фото: iStock

 

 

1
0