Арассыыйа Бырабыыталыстыбата, дойду атын субъектарыгар курдук, коронавирус ыарыытын бохсорго Уһук Илин уокуругун эрэгийиэннэригэр үбүлээһини көрөр.
edersaas.ru
Үбү медиктэргэ ыарыыттан харыстыыр сириэстибэлэри атыылаһарга, инфекционнай куойканан хааччыйарга, эрэгийиэннэргэ ИВЛ, экстракорпоральнай мембраннай оксигенация аппараатын уонна суһал массыына атыылаһалларыгар саппааска угуохтара. Ону тэҥэ, федеральнай хааһынаттан мэдиссиинэ үлэһиттэригэр көҕүлүүр төлөбүргэ үп көрүөхтэрэ.
Үбүлээһин хас даҕаны хайысханан көрүллэр, барыта тус-туспа соруктаах. РФ Бырабыыталыстыбатын дьаһалынан, Уһук Илин уокурук 3,2 миллиард солкуобайтан тахса үбү эбии куойканы тэрийиигэ (хайысхатын уларытыыга) уонна коронавируһунан ыалдьыбыт дьоҥҥо мэдиссиинэ көмөтүн оҥорорго харыстанар сириэстибэнэн хааччыйарга ылыаҕа.
Арассыыйа Бырабыыталыстыбатын резербэҕэ фондатын суотугар эрэгийиэннэргэ 257 устуука ИВЛ аппарааты тиэрдиэхтэрэ. Ону тэҥэ, эрэгийиэннэр биэрбит сайаапкаларынан 114 суһал массыынаны тиксэриэхтэрэ.
Онтон 988 мөлүйүөн солкуобай дойду бырабыыталыстыбатын резербэҕэ фондатыттан Уһук Илин уокурукка коронавируһунан ыалдьыбыт дьону эмтиир мэдиссиинэ үлэһиттэрин көҕүлүүр төлөбүрүгэр көрүлүннэ.
Уһук Илин уокуругу уонна Арктиканы сайыннарыы министиэристибэтиттэн.