Бүгүн, ахсынньы 17 күнүгэр, СӨ Бырабыыталыстыба бэрэссэдээтэлин солбуйааччы Ольга Балабкина быһа биэриигэ өрөспүүбүлүкэҕэ санитарнай-эпидемиологическэй балаһыанньаны билиһиннэрдэ.
Ол курдук, бүтэһик сууккаҕа өрөспүүбүлүкэҕэ 203 киһи коронавирус дьаҥар сутуллубут. Онтон Дьокуускайга 94 киһи ыалдьыбыт. Алдан, Мэҥэ Хаҥалас, Нерюнгри оройуоннарыгар элбэх киһи ыалдьыбыта бэлиэтэммитин эттэ. Урукку өттүгэр арыый үчүгэй туруктаах олорбут Кэбээйи улууһугар дьиэ кэргэнинэн ыалдьыы элбээбит. Бүтэһик сууккаҕа 3220 анаалыс оҥоһуллубут. 1 №-дээх поликлиникаҕа саҥа лаборатория аһыллыбыт. Өрөспүүбүлүкэҕэ коронавирус дьаҥын утары 800 вакцина кэлбитин иһитиннэрдэ.
Ульяна Захарова.
+1
+1
+1
+1
+1
+1
+1