Коронавируһу утары быһыыны ылбыттарга «Сахабулт» сыаналаах бириистэри оонньотор

“Сахабулт” национальнай концерн коронавируһу утары быһыыны ылбыт Саха сирин олохтоохторугар 5000, 3000 уонна 1000 солкуобай номиналлаах сэртипикээттэри оонньоторун туһунан иһитиннэрэр.

Бу сүүйүүлээх оонньууга Дьокуускай куорат Кальвица аатынан уулусса 3-с №-дээх дьиэтин 1-24-с кэбиниэттэригэр уонна 202-с микро-оройуон, 2-с куорпуһун 115-с кэбиниэтигэр баар мэдиссиинэ пууннарыгар быһыыны ылбыт дьон кытталлар.

Маныаха быһыыны ылаат, пуунтан “Сахабулт” анал купуонун ылбыт буолуохтааххыт.

“Сахабулт” @sakhabultcom диэн Инстаграмҥа страницатыгар хас бээтинсэ аайы күнүс 12 чаастан сэртипикээттэри оонньотуоҕа.