Бүгүн, сэтинньи 10 күнүгэр, СӨ Ил Дархана Айсен Николаев «Саха» ГТРК «Быһа кэпсэтии» биэриитигэр таҕыста.
Кини уһун өрөбүл күннэр биллэриллэ сылдьыбыттара коронавирус дьаҥа тарҕаныытын арыый намыраппытын бэлиэтээтэ. Ол да буоллар, дьон билигин да ыалдьарын, аҥаардас бүгүҥҥү күҥҥэ 290 киһи бу дьаҥҥа хаптарбыта бэлиэтэнэрэ өссө да долгутарын эттэ.
Кини ханныгын да иһин, биллэриллибит уһун өрөбүл күннэр балаһыанньаны арыый бигэттдиир. Маныаха кэнники кэмҥэ коронавируһу утары быһыыны ылааччы элбээбитэ бэлиэтэнэрин этэр.
—Эпидемиологтар уонна быраастар дьаҥ кыралаан хаптайан эрэрин этэллэр. Аһаҕас куойкалар ахсааннара элбээбит. Бу дьон ыарыйдаҕына да чэпчэкитик аһарарын көрдөрөр«, — диэтэ. Ол гынан баран, кини билигин да холкутуйар табыллыбатын ыйда. Маныаха кини ыарахан ыарыһахтар ахсааннара билигин да элбэҕин, 140-150 киһи реанимацияҕа, 40-ҥа чугаһыыр киһи ИВЛ аппараатыгар холбонон сытарын санатта.
—Кэнники күннэргэ коронавируһу утары быһыыны ылыан баҕалаахтар элбээбиттэрэ бэлиэтэнэр итиэннэ ыллыбыт тэтим намтаабакка турар», — диэтэ Ил Дархан.