Коронавируһу утары быһыыны биэрии уонна оскуолалар карантиҥҥа барыылара
Саха сиригэр санитарнай-эпидемиологическай балаһыанньа уустук. Маныаха бу вакцинациялааһын тэтимэ намыһаҕыттан диэн ыйыллар. Ил Дархан Айсен Николаев бүгүн быһа биэриигэ бу туһунан эттэ итиэннэ доруобуйаны харыстаан иммунопрофилактиканы баралларыгар эттэ. Маны сэргэ, кини тымныйан ыалдьыы (ОРВИ) элбэҕин ыйда.
Айсен Николаев коронавируһунан ыалдьыы билигин да элбэҕин, кэнники хонукка бэлиэтэммитинэн 191 киһи ыалдьыбытын, ордук элбэх дьаҥнааччы Дьокуускайга бэлиэтэнэрин иһитиннэрдэ.
«Коронавируһу утары быһыыны ылыы туһунан нэһилиэнньэҕэ сиһилии өйдөтүү ыытыллыахтаах. Онон бу боппуруоһу бары үчүгэйдик толкуйдаан көрөллөрүгэр ыҥырабын. Саха сиригэр коронавируһу утары быһыыны ылыы түмүгэ, дьиҥэр, куһаҕана суох. Дойду эрэгийиэннэрин ортотугар быһыыны биэрии тэтиминэн ахсыс миэстэҕэ сылдьабыт. Биһиэхэ күргүөм иммунитеттанарбыт наада. Онон бу боппуруоска болҕомтолоохтук сыһыаннаһаргытыгар көрдөһөбүн», — диэтэ Айсен Николаев.
Маны сэргэ, Ил Дархан Дьокуускай куорат оскуолалара коронавирустан буолбакка, кириибинэн уонна тымныйан (ОРВИ) ыалдьыы элбээбитинэн, икки нэдиэлэлээх карантиҥҥа барбыттарын бэлиэтээн эттэ.
+1
+1
+1
+1
+1
+1
+1