Өрөспүүбүлүкэҕэ мэдиссиинэ тэрилтэлэрэ коронавирустан маассабай вакцинациялары оҥорорго бэлэмнэр.
Айсен Николаев ыараханнык ыалдьа сытар дьон ахсаана аҕыйаабатыттан долгуйарын биллэрдэ. Бүгүҥҥү күн туругунан реанимацияҕа 51 киһи сытарыттан, аҕыс киһи ИВЛ аппараатыгар холбонон сытар, 43 – кислороднай көмөнү ылар. Мэдиссиинэ үлэһиттэрэ ыараханнык ыалдьыыны аҕыйатар туһугар бары кыһамньыларын уураллар.
«Ааспыт нэдиэлэҕэ быһыы-майгы арыый мөлтөөтө. Хас да оройуоҥҥа ыалдьыбыт дьон ахсаана элбээбит. Бу күүһүрүө суохтаах, маны биһиги тохтоторго үлэлэһиэхтээхпит«, — диир Ил Дархан.
Суһал ыстаап мунньаҕар сүрүн болҕомто коронавирустан вакцинаҕа уурулунна.
Өрөспүүбүлүкэ вице-премьерэ Ольга Балабкина коронавирустан быһыыны оҥорууга Дьокуускайтан ураты, бүгүн 13 оройуоҥҥа ыытылларын эттэ. Чугастааҕы күннэргэ доза саҥа партия аҕалыллыахтаах.
Доруобуйа харыстабылын миниистирэ Елена Борисова иһитиннэрбитинэн, быһыыны оҥорорго 39 мэдиссиинэ тэрилтэтигэр хостор бэлэмнэниллибиттэр. Быһыыны оҥорорго икки-үс симиэнэнэн үлэлиир 128 биригээдэ тэриллибит.
СӨ Ил Дархан уонна Бырабыыталыстыба пресс-сулууспата
Андрей Сорокин (СИА) хаартыскаҕа түһэриитэ