Михаил Мурашко: Коронавируһу утары охсуһууга кэмигэр сөптөөх дьаһаллар ылылыннылар
Бүгүн, муус устар 22 күнүгэр, РФ бырабыыталыстыбатын бэрэссэдээтэлэ Михаил Мишустин РФ бырабыыталыстыбатын иһинэн үлэлиир Координационнай сэбиэт сүбэ мунньаҕын ыытта.
edersaas.ru
Мунньах видеокэмпириэнсийэ быһыытынан ыытылынна. Манна эрэгийиэннэр баһылыктара кытыннылар. Арассыыйаҕа күн-түүн коронавируһунан ыалдьыбыт дьон ахсаана элбээн, балаһыанньа сытыырхайбытын эттилэр.
Сорох эрэгийиэннэргэ кэмигэр сөптөөх дьаһал ылыллан, коронавирус тарҕаныытын утары үлэ күүскэ ыытыллар. РФ доруобуйа харыстабылын миниистирэ Михаил Мурашко мунньах кэмигэр сыстыганнаах ыарыыны утары охсуһууга Саха Өрөспүүбүлүкэтин, Сахалинскай, Смоленскай уонна Липецкай уобаластарын салалталара сөптөөх дьаһалы ылбыттарын туһунан бэлиэтээн эттэ.
Миниистир эрэгийиэннэргэ ИВЛ аппараатынан хаччыыллыы боппуруоһа ыарахаттардааҕын бэлиэтээтэ. Маны таһынан, ааспыт сууккаҕа коронавируһунан Арассыыйаҕа эбии 5 тыһыынчаттан тахса киһи ыалдьыбытын иһитиннэрдэ.
edersaas.ru