РФ бырабыыталыстыбатын бэрэссэдээтэлэ Михаил Мишустин COVID-19 дьаҥынан ыалдьыбыт дьону эмтииргэ эми-тому ылыыга эбии судаарыстыба бүддьүөтүттэн 5 млрд солкуобай көрүллүөҕүн туһунан бырабыыталыстыба мунньаҕар иһитиннэрдэ.
Кини этэринэн, билигин коронавирус дьаҥын эмтииргэ балыыһаларга эми-тому ылыы күүскэ барыахтаах. Онуоха РФ бырабыыталыстыбата эрэгийиэннэргэ күүс-көмө буоларга бэлэм.
“РФ бэрэсидьиэнин сорудаҕынан эрэгийиэннэр эми-тому ылыыларыгар бырабыыталыстыбаттан көмө көрүллэр. Бүддьүөттэн эбии 5 млрд солкуобай коронавирус ыарыыга ылларан балыыһаҕа киирбит дьону эмтииргэ барыаҕа. Бу эмтэри балыыһалар бу сыл бүтүөр диэри ылыахтара”, – диэн бэлиэтиир Михаил Владимирович.
Аграфена КУЗЬМИНА
+1
+1
+1
+1
+1
+1
+1