Бүгүн, атырдьах ыйын 21 күнүгэр, 11:00 чааска Саха сирин бырабыыталыстыбатын бэрэссэдээтэлин солбуйааччы Ольга Балабкина эрэгийиэҥҥэ коронавирус балаһыанньатын туһунан брифинг ыытта.
«Өрөспүүбүлүкэҕэ санитарнай-эпидемиологическай балаһыанньа тыҥаан турар. Бүтэһик сууккаҕа Саха сиригэр барыта 45 киһи коронавируска сутулунна. Онтон 25 киһи Дьокуускайга, 4 киһи Мииринэйгэ, 3 киһи Тааттаҕа, 2-лии киһи Нерюнгрига, Үөһээ Бүлүүгэ, Мэҥэ Хаҥаласка, Ньурбаҕа, 1-дии киһи Абыйга, Алдаҥҥа, Дьааҥыга, Бүлүүгэ, Горнайга, Ленскэйга, Намҥа, Өлүөхүмэҕэ, Хаҥаласка, Чурапчыга ыарыйда. Ыарыһахтары кытта хантаактаспыт дьон быһаарылыннылар уонна хааччахтаннылар.
Ааспыт сууккаҕа өрөспүүбүлүкэ лабораториялара 3252 тесты оҥордулар. Оттон дьаҥ туруоҕуттан 355 712 тест оҥоһуллубута биллэр», — диэн Ольга Балабкина брифиҥҥэ эттэ.
edersaas.ru
+1
+1
+1
+1
+1
+1
+1