Бүгүҥҥүттэн киин куоракка Саха АССР, РСФСР, ССРС үтүөлээх тириэньэрэ Дмитрий Коркин кэриэһигэр Х норуоттар икки ардыларынааҕы турнир саҕаланна. Билигин 57-65-74-97 киилэҕэ диэри ыйааһыннарга түмүктүүр хапсыһыылар буоллулар.
57 киилэлээхтэргэ Николай Охлопков (Арассыыйа-Саха сирэ) Тамир Гармаевы (Арассыыйа-Бурятия) кыайан чөмпүйүөн үрдүк аатын сүктэ.
«Алта киилэни түһэрбитим. Финалга ыарахан этэ. Тэрээһин олох үчүгэй. Урут Гармаевы кытта көрсө иликпин эрээри, истиилин үөрэппитим. Хас биирдии киирсии ыарахан«, — диир Охлопков.
Тошихиро Хасегава (Япония) уонна Арыйаан Тютрин (Арассыыйа — саха сирэ) үһүс миэстэ, Тамир Гармаев (Арассыыйа-Бурятия) иккис миэстэ буоллулар.
+1
+1
+1
+1
+1
+1
+1