Коркин турнирыгар көрөөччүлэргэ “УАЗ-фермер”, “Ниссан-Алмера” оонньонуохтара

Кэлэр субуоталаах өрөбүлгэ “Триумф” киин уораҕайыгар Саха АССР, РСФСР, ССРС үтүөлээх тириэньэрэ Дмитрий Коркин кэриэһигэр көҥүл тустуга норуоттар икки ардыларынааҕы турнир ыытыллыаҕа.

Тэрийээччилэр үбүлүөйдээх турниры дьиҥ-чахчы спорт бырааһынньыгар кубулутар инниттэн, “Фортуна” кэнсиэртиир ааҕыныстыбаны кытта бииргэ икки күн киирии билиэттэринэн сыаналаах бириистэри – булт сааларын, дьахтар саҕынньаҕын, навигатордары, iPhone 7 төлөпүөнү, о.д.а. — оонньотуохтара. Оттон бастакы күн саамай бааттаах көрөөччүтүгэр “УАЗ-фермер” массыына күлүүһэ туттарыллыаҕа. Иккис күн дьоллооҕо сабыс-саҥа “Ниссан-Алмера” уруулугар олорон дьиэлиэҕэ.

Күрэхтэһии түмүктэниитэ ыйааһыннарыгар бастаабыт бөҕөстөр икки ардыларыгар лотерея оонньонуоҕа. Онно тарбаҕар талааннаах боотур 300 тыһыынча солкуобайы олордон ылыаҕа.

Роман Попов, “Саха сирэ” хаһыат