Чонгджу медицинскэй киин доруобуйаны чөлүгэр түһэриигэ (реабилитацияҕа) отделениетын сэбиэдиссэйэ Ли Сунголь инсультаабыт ыарыһахтары Кореяҕа чөлүгэр түһэрии систиэмэтин туһунан маннык кэпсээтэ:
2015 с. Чонгджу доруобуйаны чөлүгэр түһэрэр отделениетыгар Дьокуускай куораттан церебральнай инфарктаах ыарыһах киирбитэ. Корея быраастара кини МРТ-га уһуллубут мэйиитин көрөн баран, ыарыһах хаамарыгар уонна илиитин хамсатарыгар кыһалҕалары көрсүөҕүн сабаҕалаабыттара. Ол гынан баран, ыарыһах икки ый эмтэнэн баран, кирилиэһинэн торуоската суох, бэйэтэ тахсар буолбута. Кини тиһигин быспакка дьаныардаахтык эрчиллэн, билигин үлэтигэр төнүннэ уонна чөл олоҕунан олорор. Онон, киһи сөҕүөн курдук түмүктэри көрдөрдө.
«Дьокуускайтан кэлбит атын да дьон доруобуйалара, кини курдук, чөлүгэр түһүөн сөп дуо?» – диэн ыйытыыны бэйэбэр бэриммитим. Ол иһин, 2016 с. муус устарга Саха Өрөспүүбүлүкэтин киин куоратыгар аан бастаан кэлбитим. Онон, уһук хотугу өрөспүүбүлүкэ уонтан тахса ыарыһаҕын эмтээтим. Кинилэри эмтээһиним түмүктэрэ, Корея ыарыһахтарын эмтээбиппинээҕэр, олох атыттар, улахан уратылаахтар.
Ол иһин, Корея чөлүгэр түһэрэр ньыматын кыаҕар итэҕэйдэххэ, саха дьонун эмтээһиҥҥэ үчүгэй түмүктэр баар буолуохтарыгар эрэнэбин. Корея систиэмэтин Саха Өрөспүүбүлүкэтигэр киллэрэр туһугар биһиги быраастарбыт Дьокуускайга куруук кэлэллэр уонна быраастар стажировкаларын бырагырааматын оҥороллор. Корея чөлүгэр түһэрэр терапиятынан эмтэнээччилэринэн инсульт уонна сүнньүлэрин эчэппит ыарыһахтар эрэ буолбакка, араас ыарыылартан сылтаан хаамалларыгар уонна күннээҕи олохторугар ыарахаттары көрсөр ыарыһахтар буолаллар. Охсор охсуутун эмтээһин, электрофорез, үлэ терапията, магнитерапия, былчыҥ бопторуутугар медикаментознай терапия, логопед, дисфагияны эмтээһин, илии моторикатын тупсарыы, протезтары оҥоруу – чөлүгэр түһэрэр медицина салаалара. Корея доруобуйаны чөлүгэр түһэрэр систиэмэтин Саха Өрөспүүбүлүкэтигэр киллэрэр туһугар күүспүтүн холбуохпутун наада.
677000, Саха Өрөспүүбүлүкэтэ, Дьокуускай к., Орджоникидзе уул. 36/1 №-дээх дьиэтэ, LG киин, 501 офис,
Төлөпүөннэрэ: 717-264, 50-85-50 (эрдэттэн суруйтарыы наада).
Instagram: @saltmedis
Эмтэнии сөп түбэһиэ суоҕун сөп, исписэлиистэр сүбэлэрэ наада.