“Конституция федеральнай сокуоҥҥа сөп түбэһиэхтээх”

Бөлөххө киир:

Саха сирин Уопсастыбаннай балаататын бэрэссэдээтэлин солбуйааччы Александр Гриценко СӨ Конституциятыгар уларытыылары киллэрии туһунан санаатын үллэһиннэ. Эрэгийиэн уратытын учуоттаан туран, өрөспүүбүлүкэ сокуоннара федеральнай сокуоннары кытары араастаһыа суохтаахтар диэн кини бэлиэтээтэ. Ол туһунан СИА иһитиннэрэр.

— 11-с ыстатыйаҕа оҕолор, дьиэ кэргэн систиэмэтин бөҕөргөтүү туһунан этиллэр. Саха сирэ урут-уруккуттан дьиэ кэргэҥҥэ үйэлээх үгэстэринэн аатырар. Тыйыс усулуобуйаҕа дьиэ кэргэн суолтата үрдүк эрэ буоллаҕына, тыыннаах хаалар кыахтаахпыт. Ону тэҥэ, социальнай партнерство, үлэ быраабын көмүскээһин, о.д.а. киирбиттэрэ суолталаах.

13-с ыстатыйаҕа социальнай партнерство, ол эбэтэр, гражданин уонна өрөспүүбүлүкэ сыһыаннаһыыларын, хардарыта эппиэтинэстэрин таарыйар. 18-с ыстатыйаҕа судаарыстыба гражданнар үлэлэрин сыаналыырын, үлэ быраабын көмүскүүрүн, хотугу төлөбүрдэр, босхо мэдиссиинэ туһунан этиллэр. Бу сокуон барылыгар федеральнай Конституцияны кытары сөп түбэһиннэрии үлэтэ барбыт, — диэн Александр Гриценко эттэ.

Кини Ил Түмэн сокуон барылын оҥорорго улахан үлэни ыыппытын ыйда уонна өрөспүүбүлүкэ олохтоохторун бу докумуону кытары билсиһэргэ, ырытыһарга ыҥырда.

Ангелина Васильева, “Саха сирэ” хаһыат, edersaas.ru

Хаартыска: sakha.gov.ru

+1
0
+1
0
+1
0
+1
0
+1
0
+1
0
+1
0