Москва куоракка коронавируһу эмтиир Коммунаркаҕа баар Мэдиссиинэ киинин кылаабынай бырааһа Денис Проценко covid-19 ыарыыттан эмтэнэн үтүөрбүт. Ол туһунан кини бүгүн муус устар 15 күнүгэр бэйэтин Facebook-гар суруйда.
«Икки бүтэһик анаалыһым дьаҥ суоҕун көрдөрдө. Туспа хоско хааллан олорор эрэсиимтэн тахсан уруккум курдук толору үлэлиэм. Кыһыл зонаттан таҕыстахпына, сиһилии кэпсиэм», — диэбит кини.
Проценко коронавируска сутуллубутун туһунан кулун тутар 31 күнүгэр суруйбуттара. Онон, кылаабынай быраас икки нэдиэлэ иһигэр эмтэнэн, кутталлаах ыарыыны, хата, этэҥҥэ аһарынна.
Марианна Тыртыкова, «Саха сирэ» хаһыат, edersaas.ru
Хаартыска — vm.ru
+1
+1
+1
+1
+1
+1
+1