«Эр дуу, ойох дуу ыраах айантан кэлбитэ — арай ороҥҥо «иккис аҥаара» көссүүлэһэ сытар эбит» диэн анекдот бөҕөтө баар. Дьиҥ олоххо итинник түбэлтэҕэ киһи күлэрэ ончу суох — төһөлөөх элбэх ыар буруй оҥоһуллубута буолуой итинник быһымах турукка!
Ол курдук, Мэҥэ Хаҥалас полициятыгар балыыһаттан иһитиннэрии киирбит — сирэйэ бүттэтэ суох көҕөрбүт-испит дьахтар кэлбитин туһунан.
Участковай боломуочунайдар ити иһитиннэриинэн бэрэбиэркэ ыыппыттарын түмүгэр биллибитинэн, дьахтары 56 саастаах эрэ кырбаабыт.
Барыллаан быһаарыынан, бу киһи сарсыарда эрдэ командировкаттан кэлбитэ — ойоҕо атын киһилиин сытар эбит. Эр киһи уһуннук толкуйдуу барбакка, эрэһиинэ саппыкыны ылан, ойоҕун сирэйин эттээбит. Оттон эр киһини тыыппатах.
Бу чахчынан РФ Холуобунай кодексатын 115-с ыстатыйатынан холуобунай дьыала тэриллибит.
Бу туһунан СӨ ИДьМ-тын пресс-сулууспата иһитиннэрдэ.
Биһиги корр., «Саха сирэ» хаһыат, edersaas.ru
Хаартыска: интэриниэттэн.