Айылҕа уустук усулуобуйатыгар олорор хотугу улуустары сылааһынан хааччыйыыга сүрүн болҕомто ууруллар. Аллараа Халымататааҕы филиалга ол сорук хайдах туоларый?
Өрөспүүбүлүкэни сылааһынан хааччыйар “СӨ ОДьКХ” ГУП филиаллара кыстыкка этэҥҥэ киирэ тураллар. Холобура, Аллараа Халыматааҕы филиалга оттук сезона атырдьах ыйын 18 күнүттэн саҕаламмыта. Бу күннэргэ эбии бирикээскэ олоҕуран, 2 оһох уу суолунан кэлэн иһэр. Кыһыҥҥы улахан тымныыларга хочуолунай үлэтигэр кыһалҕаны көрсүбэт туһугар 180 км тэйиччи сытар Колымскайга эбии оһоҕу (хочуолу) туруоруохтара. Билигин күн-дьыл туругар олоҕуран нэһилиэктэргэ сылааһы биэрэллэр.
Аллараа Халымалар бэйэлэрэ төһө да ыраах, уустук суоллаах-иистээх сиргэ олордоллор, “СӨ ОДьКХ” ГУП бары ыытар тэрээһиннэригэр кытталлар. Халаан уутуттан эмсэҕэлээбит Дьааҥы улууһун олохтоохторугар арыллыбыт көмө счекка бэйэлэрин көмөлөрүн киллэрбиттэрэ.
Бүгүн, балаҕан ыйын 1 күнүгэр, филиал үлэһиттэрин оскуолаҕа киирэр оҕолоругар бэлэх туттардылар.
Санатар буоллахха, Аллараа Халыматааҕы филиал 218 үлэһиттээх.
Бэлэмнээтэ Женни Стрюкова
Хаартыска:»СӨ ОДьКХ «ГУП саайтыттан