Биир сыл кэриҥэ Колымаана уонна Ломоносов үрүҥ эһэлэр тус-туһунан олорбуттара. Ол курдук, 2016 сыл бүтүүтэ «Орто дойду» зоопаркатын олохтоохторо Колымааналаах Ломоносов Хаарчаана диэн эһэчээннэммиттэрэ. Инньэ гынан, «ыаллары» араартаан, тус туһунан вольерга көһөрбүттэрэ.
edersaas.ru
Колымаана сылы быһа Хаарчаанатын көрөн-истэн, аҕаларыттан туспа олорбутара. Кыра эһэчээннэрэ улаатан, атаҕар турбутун кэннэ, Хаарчаананы бэйэтин дойдутугар олохсуппакка, төрөппүттэриттэн арааран, Санкт-Петербург куоракка эбээтигэр Усладаҕа көһөрөн илдьибиттэрэ.
Аҕыйах хонуктааҕыта эрэ диэри, ыал аҕа баһылыга Ломоносов «Роснефть» НХ көмөтүнэн тутуллубут вольерга олорбута. Оттон бүгүҥҥүттэн тапталлаахтар иккиэн холбоһон, бииргэ олорор буоллулар.
Анивера АКИМОВА, edersaas.ru
+1
+1
+1
+1
+1
+1
+1