Михаил Колодезников: «Төрүт Сокуоҥҥа киирэр уларыйыылар дьон-сэргэ туһугар туһалыахтара диэн эрэнэбин»
Тыа сирин олохтоохторо Төрүт Сокуоҥҥа киириэхтээх уларыйыылары көхтөөхтүк дьүүллэһэллэр.
Михаил Иванович Колодезников, Уус Алдан улууһун Лөгөй нэһилиэгин дьокутаата:
— Буолаары турар дойдубут Конституциятыгар уларыйыыларга бэйэм санаабын этиэхпин баҕарабын:
- 1990- сыллар бүтүүлэрэ оскуолаҕа завхозтуу сырыттахпына профком бэрэссэдээтэлинэн талбыттара. Онно үлэлии сылдьан оробуочай хамнаһа кыратын араас таһымнаах мунньахтарга туруорсарым. Оттон билиҥҥи уларыыйыыга хамнас алын кээмэйэ тиийинэн олоруу кээмэйиттэн кыра буолуо суохтаах;
- Аны биэнсийэҕэ олорор киһи буоларым быһыытынан биэнсийэ сылга бииртэн итэҕэһэ суох индексацияланыахтаах дии саныыбын. Урут индексация судаарыстыба балаһыанньатыттан улахан тутулуктаах этэ;
- Кыаммат араҥаҕа социальнай төлөбүргэ булгуччулаах индексация эмиэ киирдэ.
Онон Төрүт Сокуоҥҥа киирэр уларыйыылар дьон-сэргэ туһугар туһалыахтара диэн эрэнэбин.
Женни СТРЮКОВА, “Саха сирэ” хаһыат
Хаартыскаҕа: М.Колодезников.
+1
+1
+1
+1
+1
+1
+1