Алексей Колодезников: «Чайыҥдаттан Башкортостаҥҥа 400 киһи тиийдэ»
Бүгүн, ыам ыйын 4 күнүгэр, СӨ бырабыыталыстыбатын бэрэссэдээтэлин эбээһинэһин толорооччу Алексей Колодезников Чайыҥдатааҕы ньиэптээх, гаастаах сиргэ балаһыанньа хайдаҕын быһа эпииргэ билиһиннэрдэ.
Алексей Колодезников: «Билиҥҥитэ Чайыҥдаҕа балаһыанньа этэҥҥэ. «Якутия» авиахампаанньа Башкортостаҥҥа баахтабай үлэһиттэри анал рейсинэн таһарга диэн «Стройтранснефтегаз» диэн сүрүн бэдэрээттиир тэрилтэни кытта хантараак түһэрсибитэ. Бэҕэһээ-бүгүн түөрт рейсинэн 400 киһи дойдуларыгар көттө.
Чайыҥдаҕа Башкортостантан кэлбит 1800 киһи баахтанан үлэлиир, өссө Омскай, Новосибирскай, Иркутскай, Челябинскай олохтоохторо бааллар.
Билигин миэстэтигэр 25 миэдик үлэлиир, ол иһигэр 12 киһи СӨ Доруобуйа харыстабылын министиэристибэтин үлэһиттэрэ. Кинилэр «Газпром добыча Ноябрьск» тэрилтэлиин хантараактаспыттара. Маны тэҥэ «СОГАЗ» уонна СӨ Роспотребнадзор управлениетын үлэһиттэрэ бааллар.
Ыам ыйын 1-3 күннэригэр Арассыыйа ЫБММ мобильнай госпиталын аҕалан туруордулар. Билигин 125 миэстэлээх дьону олохтуур пууну тэрийэ сылдьаллар. Бу инниттэн Чайыҥдаҕа анал былаһаакка бэлэмнэммитэ» — диэн балаһыанньаны билиһиннэрдэ.
Хаартыска — Ил Дархан уонна СӨ бырабыыталыстыбатын
дьаһалтатын пресс-сулууспатыттан.