Арассыыйа утах оҥоруутугар биир саамай бөдөҥ оҥорон таһаарааччыта “Черноголовка” дойду ырыынагын 50% хабар былааннаҕын туһунан хампаанньа генеральнай дириэктэрэ Наталия Сахнина иһитиннэрэр.
Ол туһуттан холдинг Краснодарга оҥоруутун кээмэйин икки төгүл улаатыннарбыт, ол иһигэр, Новосибирскайга 50%.
«Черноголовка» билигин кыраадыһа суох утахтары таһынан, оҕо тута сылдьан сиир сокуускаларын, минньигэс аһы оҥорон таһаарар. Маныаха диэри “Черноголовка” оҕо сааһы санатар “Буратино”, “Тархун”, “Байкал” үрдүк хаачыстыбалаах утахтары оҥороро. Олор ааспыт кэми санаталлара. Арай, “Кола” диэн утаҕы оҥорууга киирэ илик этилэр. Дьиҥэр, “Кола” сорох атыылаһааччы олус сөбүлүүр утаҕа. Суоттаан көрүүлэринэн, атыыга хамаҕатык барар. Онон “Черноголовка” быйылгыттан «Кола Черноголовка» диэн утаҕы таһаарда.
“Кока Кола” утаҕы оҥорор Coca-Cola Hellenic Bottling Company дойду ырыынагыттан тахсарын биллэрбитэ. Онон «Черноголовка» саҥа утаҕа ырыынакка улаханнык тахсарыгар бу эмиэ оруоллаах буолара сабаҕаланар. Утах бэлиэр Burger King уонна KFC кафелар менюларыгар киирбитэ. Оттон билигин “Вкусно и точка” хампаанньаны кытта кэпсэтии бара турар. Атыылаһааччылар саҥа утаҕы биһирээбиттэрэ бэлиэтэнэр.