Клещкэ 356 киһи ытыртарда

Бөлөххө киир:

Бэс ыйын 27 күнүнээҕи туругунан,  Саха сирин 13 улууһугар уонна Дьокуускай куоракка клещ киһини ытырбыт 356 түбэлтэтэ бэлиэтэннэ.

edersaas.ru

Ол иһигэр, 91 оҕо.  Улуустарынан ыллахха: Ленскэйгэ – 143, Алдаҥҥа – 68, Нерюнгрига — 47, Өлүөхүмэҕэ — 24, Сунтаарга – 15, Хаҥаласка – 10, Мииринэйгэ — 8, Бүлүүгэ, Чурапчыга – 5-тии, Аммаҕа — 3, Үөһээ Бүлүүгэ, Мэҥэ Хаҥаласка – иккилии, Горнайга — 1 уонна  Дьокуускайга  – 23 .

Нэһилиэнньэ элбэхтик сылдьар сиригэр клещ ытырар кутталын аҕыйатар туһугар  сэрэтэр акарициднай ыраастааһын ыытылынна. Ол курдук,   Дьокуускайга, Мииринэйгэ, Нерюнгрига, Алдаҥҥа, Ленскэйгэ, Хаҥаласка, Өлүөхүмэҕэ, Мэҥэ Хаҥаласка, 35,3 гаалаах сир, ол иһигэр  доруобуйаны чэбдигирдэр сайыҥҥы тэрилтэлэр  9,8 га сирдэрэ, ыраастанна.

Клещтэр элбэх сыстыганнаах ыарыыны өбүтэр кутталлаахтарынан сэрэхтээх буолуу ирдэнэр.  Клещ инфекциятын, ол иһигэр клещ энцефалитын,  сэрэтэр үлэнэн  бопсуохха сөп. Холобур, харыстыыр анал көстүүмнэри эбэтэр үөн саҕа уонна бэлэнньик нөҥүө киирбэтин бүтэй таҥаһы таҥныахха наада. Тас таҥас уһун сиэхтээх уонна бэгэччэгэ эрэһииҥкэнэн туттарыллара ордук. Тас таҥаһы бүрүүкэҕэ, бүрүүкэни наскыга уонна саппыкыга симэ угаргытын, төбөҕүтүн уонна моонньугутун былаатынан эрийэргитин умнумаҥ.

Клещтэн харыстанарга куттуур сириэстибэлэринэн – репелленталарынан аһаҕас сиргитин уонна таҥаскытын ыстарыҥ. Препарааттары туттуох иннинэ инструкциятын хайаан да билсиҥ. Сыстыганнаах ыарыыны көбүтэр  үөн өрө турбут дойдутугар  үлэлии эбэтэр сынньана барар дьон икки нэдиэлэ инниттэн быһыы ылыахтаахтар.

Бэс ыйын 27 күнүнээҕи туругунан, клещ вирустаах энцефалитын утары 3003 киһи, ол иһигэр 328 оҕо,  анал быһыыны ылла.

29.05.22

+1
0
+1
0
+1
0
+1
0
+1
0
+1
0
+1
0