Доруобуйа Маны аах

Клещ ыарыыны көбүтээччилэри таһарынан кутталлаах

Бэс ыйын 14 күнүнээҕи туругунан, Саха сирин 12 улууһугар уонна Дьокуускай куоракка клещ ытырбыт 196 түбэлтэтэ (ол иһигэр, 50 оҕону) билиннэ.

edersaas.ru

СӨ Роспотребнадзор управлениета иһитиннэрбитинэн, маннык улуустарга:
Ленскэйгэ – 91, Алдаҥҥа – 33, Нерюнгрига — 23, Өлүөхүмэҕэ — 15, Сунтаарга – 9, Хаҥаласка – 5, Мэҥэ Хаҥаласка, Мииринэйгэ — иккилии, Аммаҕа, Үөһээ Бүлүүгэ, Горнайга, Чурапчыга – биирдии, Дьокуускайга – 12 түбэлтэ таҕыста.
Клещ вирустаах энцефалиты утары 2724 киһи, ол иһигэр 217 оҕо, быһыы ылла.
Дьон элбэхтик сылдьар сиригэр клещ ытырар кутталын намтатар туһуттан сэрэтэр акарициднай ыраастааһын саҕаланна. Бэс ыйын 14 күнүнээҕи туругунан, Дьокуускайга, Алдаҥҥа, Ленскэйгэ, Мииринэйгэ, Нерюнгригэ, Хаҥаласка 11,7 гаалаах сиргэ сэрэтии үлэтэ ыытылынна.


Клещ элбэх сыстыганнаах ыарыыны көбүтээччилэри таһарынан кутталлаах. Онтон саамай кутталлаахтара -– клещевой энцефалит.
Клещ актыыбынайдыыр кэмигэр айылҕаҕа сылдьан кэтэ сылдьар таҥаскытын уонна эккитин-сииҥҥитин көрүнэ сылдьаргытыгар сүбэлииллэр.

Надежда ЕГОРОВА, «Саха сирэ» хаһыат, edersaas.ru

 

0
0
Telegram @edersaas20