Кировскайга ыччаттар уонна устудьуоннар субуотунньуктаатылар

Бу туһунан биһиэхэ Горнайтан улуус административнай хамыыһыйатын эппиэттиир сэкирэтээрэ  Саргылаана Васильева сырдатта.

—Кировскай нэһилиэгин ыччаттара  уонна быраактыкаҕа кэлэ сылдьар Тыа хаһаайыстыбатын университетын (ТХСА) устудьуоннара нэһилиэккэ сааскы кэмҥэ ыраастааһын, өрө тардыы, бэрээдэктээһин ыйынан, тыыл, үлэ бэтэрээннэригэр  Мария Ивановна Ивановаҕа,  Анна Егоровна Капитоноваҕа  тиэргэннэрин хомуйан, харбаан, ыраастаан биэрдилэр. 

Аҕам саастаахтар олбуордара өрө тардыллыбытыттан, бэрээдэктэммититтэн, ыччаттар үөрэ-көтө көмөлөспүттэриттэн олус үөрдүлэр уонна махталларын тиэрдэллэр, — диэтэ.

Хаартыскалар:  Горнай улууһун Кировскай нэһилиэгин дьаһалтатыттан